Створаная дзесяць гадоў таму ўстанова адукацыі «Дзяржаўны інстытут павышэння кваліфікацыі і перападрыхтоўкі мытных органаў Рэспублікі Беларусь» сёння цалкам забяспечвае патрэбы мытных органаў па павышэнню кваліфікацыі і перападрыхтоўцы супрацоўнікаў, а таксама спецыялістаў па мытнай справе.

За пяць гадоў у ведамасным Інстытуце мытных органаў навучылі каля 6,2 тысяч службовых асоб і каля 5,3 тысяч прадстаўнікоў знешнеэканамічнай дзейнасці.

Беларускія мытнікі рэгулярна павышаюць сваю кваліфікацыю ў установе адукацыі. Так, у гэтым годзе атрымалі новыя веды і развілі кампетэнцыі больш 960 супрацоўнікаў, 42% з якіх - асобы ўпершыню прынятыя на службу і якія праходзілі першапачатковую падрыхтоўку. Акрамя таго, каля 14% службовых асоб павышалі кваліфікацыю па кірунку арганізацыі мытнага кантролю, 11% - праваахоўнай дзейнасці, па 5% - мытна-тарыфнага рэгулявання і інфармацыйных тэхналогій і радыяцыйнага кантролю. Чвэрць супрацоўнікаў вучылася па лініі развіцця мэнэджарскіх і псіхалагічных навыкаў, профайлінгу, маўленчай практыкі замежнай мовы.

З 2014 года Інстытут ажыццяўляе павышэнне кваліфікацыі спецыялістаў па мытнаму дэклараванню.

У гэтым годзе выкарыстанне дыстанцыйнай формы навучання і сучасных тэхналагічных рашэнняў дазволіла навучыць больш спецыялістаў знешнеэканамічнай дзейнасці, чым у мінулым годзе.

У перспектывах - далейшае пашырэнне магчымасцяў дыстанцыйнага навучання за кошт удасканалення электронных і інфармацыйных рэсурсаў і маніторынг адукацыйнай дзейнасці для ўдасканалення падрыхтоўкі спецыялістаў.