Пісьмовыя і электронныя звароты грамадзяні юрыдычных асоб

Работа са зваротамі грамадзян у мытных органах ажыццяўляецца ў адпаведнасці з Законам Рэспублікі Беларусь ад 18 ліпеня 2011 г. “Аб зваротах грамадзян і юрыдычных асоб”.

За 9 месяцаў 2021 года ў мытныя органы паступіла 1358 пісьмовых і электронных зваротаў грамадзян: у Дзяржаўны мытны камітэт – 841, мытні – 517. Гэта на 205 зваротаў больш, чым за аналагічны перыяд 2020 года.

У Дзяржаўны мытны камітэт найбольшая колькасць зваротаў паступіла ад жыхароў г.Мінска – 267, з-за межаў рэспублікі паступіла 219 зваротаў, з Брэсцкай вобласці – 82, Мінскай – 68. За 9 месяцаў                 2021 года паступіла 26 паўторных зваротаў (за аналагічны перыяд                  2020 года – 12).

Найбольш часта звярталіся за атрыманнем кансультацый аб ажыццяўленні неабходных дзеянняў пры немагчымасці вывазу часова ўвезеных транспартных сродкаў у сувязі з каранавіруснай інфекцыяй, па пытаннях мытнага дэкларавання, выпуску і мытнага кантролю тавараў, якія дастаўляюцца ў міжнародных паштовых адпраўленнях, а таксама па парадку выплаты мытных плацяжоў.

Усе звароты, якія паступілі ў мытныя органы, разгледжаны ва ўстаноўленыя заканадаўствам тэрміны: 375 (27,61%) зваротаў задаволены, на 666 (49,04%) – дадзены тлумачэнні, на 38 (2,8%) – падрыхтаваны адмовы, 279 (20,55%) зваротаў знаходзяцца на разглядзе або накіраваны ў іншыя дзяржаўныя органы згодна з кампетэнцыяй.

Асабісты прыём

Кіраўніцтвам Дзяржаўнага мытнага камітэта ва ўстаноўленыя дні і гадзіны ажыццяўляецца асабісты прыём грамадзян і прадстаўнікоў  юрыдычных асоб. У сувязі з сітуацыяй, звязанай з каранавіруснай інфекцыяй, прыём грамадзян можа ажыццяўляцца дыстанцыйна па тэлефоннай сувязі або відэасувязі.

За 9 месяцаў 2021 года кіраўніцтвам Дзяржаўнага мытнага камітэта прынята 32 грамадзяніна (з іх14 чалавек – жыхары г.Мінска),кіраўніцтвам мытняў – 317.

У асноўным пытанні, якія паступалі ў ходзе прыёму,закраналі знешнеэканамічную дзейнасць прадпрыемства, тэрміны падаўжэння выпуску тавараў, правы ўпаўнаважаных эканамічных аператараў, выкананне салідарнай адказнасці, выключэннез рэестраў уладальнікаў складоў часовага захоўвання, выплату мытнай пошліны за аўтамабіль.

Ва ўсіх мытнях праводзяцца кансультацыі і інфармаванне насельніцтва па пытаннях мытнай справы.

На інфармацыйных стэндах, адзiным інтэрнэт-партале мытных органаў Рэспублікі Беларусь размешчаны графікі асабістага прыёму грамадзян кіраўнікамі мытных органаў; парадак абскарджання рашэнняў, дзеянняў або бяздзеянняў службовых асоб мытных органаў; нарматыўныя прававыя акты і іншая неабходная інфармацыя для грамадзян і ўдзельнікаў знешнеэканамічнай дзейнасці.

У мэтах інфармавання насельніцтва выкарыстоўваюцца:

тэле - і радыёпраграмы;

правядзенне прэс-канферэнцый;

публікацыя матэрыялаў у рэспубліканскіх і раённых друкаваных выданнях;

размяшчэнне інфармацыйных паведамленняў у сетцы Інтэрнэт.

Таксама трэба адзначыць, што ў сістэме мытных органаў існуе практыка правядзення “гарачых ліній” і “прамых тэлефонных ліній” для адказаў грамадзянам і суб’ектам гаспадарання па пытаннях мытнага рэгулявання.