Мытныя органы Рэспублікі Беларусь
26 сакавiка 2026
У сваім аўтамабілі кіроўца схаваў 13 літраў алкагольнай прадукцыі, каб незаконна завезці яе з Літвы.
У пункце пропуску «Беняконі» мужчына падаў пасажырскую дэкларацыю на часовы ўвоз свайго аўтамабіля DODGE. Іншыя тавары, якія падлягаюць дэклараванню альбо абмежаваныя да перамяшчэння, са слоў грамадзяніна, адсутнічалі.
Агледзеўшы транспартны сродак з ужываннем сканавальнай тэхнікі, гродзенскія мытнікі прынялі рашэнне аб яго даглядзе. У выніку з багажнага аддзялення вынялі 8 бутэлек з вадкасцю, утоеных за пластыкавай ашалёўкай.
Эксперт мытнай лабараторыі пацвердзіў, што гэта віно. Канфіскаваныя як алкагольная прадукцыя, так і легкавы аўтамабіль агульным ацэначным коштам звыш 23 тыс.бел. рублёў.
Гродзенскай рэгіянальнай мытняй пачаты адміністрацыйны працэс па ч. 2 арт.15.1 КаАП Рэспублікі Беларусь. Рашэнне аб канфіскацыі канфіскаваных тавараў і аўтамабіля будзе прынята судом.
Тэгі па тэме
