Мытныя органы Рэспублікі Беларусь
03 лiстапада 2026
Чарговую буйную партыю тавараў замежнай вытворчасці агульным коштам каля 600 тыс. рублёў мелі намер незаконна ўвезці ў Беларусь.
13 тыс. адзінак адзення, абутку, дзіцячых цацак, тканін, кухонных прыбораў і іншага перамяшчаліся ў грузавых адсеках буса з прычэпам, які прыбыў з Расіі.
Рух транспартнага сродку спынілі супрацоўнікі Аператыўнай мытні пры правядзенні спецыяльных мерапрыемстваў на беларуска-расійскім участку мяжы.
Па патрабаванні мытнікаў кіроўца не змог прад'явіць неабходныя таварасуправаджальныя дакументы.
Аператыўнай мытняй у дачыненні да беларускага перавозчыка пачаты адміністрацыйны працэс у адпаведнасці з арт. 13.12 КаАП Рэспублікі Беларусь. Яму давядзецца выплаціць штраф у памеры да 300 тыс. беларускіх рублёў.
Тэгі па тэме
