Мытныя органы Рэспублікі Беларусь
06 лiстапада 2026
Каля 50 тыс. даляраў ЗША ў эквіваленце схавала ад мытнага кантролю пасажырка цягніка з маршрутам "Калінінград - Масква", які рухаўся праз пункт пропуску "Гудагай".
Грамадзянка Славакіі пры вусным апытанні заявіла гродзенскім мытнікам, што перамяшчае наяўныя грашовыя сродкі ў памеры 3 тыс. еўра.
Пры правядзенні дадатковых формаў мытнага кантролю высветлілася, што пры ёй маецца сума ў 17 разоў большая.
Грашовыя сродкі ў замежнай валюце розных наміналаў былі схаваныя ў асабістых рэчах, а таксама кішэнях надзетага на яе адзення.
Дазнавальнікамі Гродзенскай рэгіянальнай мытні распачата крымінальная справа па ч. 2 арт. 228 КК Рэспублікі Беларусь. Санкцыя артыкула прадугледжвае пакаранне аж да пазбаўлення волі тэрмінам на 5 гадоў.
Усе грашовыя сродкі, а гэта каля 53 тыс. даляраў ЗША ў эквіваленце, канфіскаваны да рашэння суда.
Тэгі па тэме
#Гродненская региональная таможня #Уголовное дело #Денежные средства
